Herjólfsvík

Herjólfsvík
(Eftir handriti ??).

Sandur kallast fjaran sunnan árinnar. Þá heitir Króksjaðar frá ánni og upp í Hvammsskarð. Þá koma Mjóijaðar, Konráðsjaðar og loks Breiðijaðar. Ná allir þessir jaðrar frá ánni og upp í Eggjar. Þá er Flatijaðar en hann er frá ánni og upp í Stígshall. Innan við Flatajaðar er hár strípur er heitir Maður. Stykki það sem verður fyrir innan Manninn kallast Fyrir innan Mann.

Herjólfsvíkurstafn kallast inn að Herjólfsvíkurvarpi. Inn og ofan við Mann, norðan í Efri-Sléttum er svokallaður Drápshjalli. Þar dagar stundum uppi á haustin kindur sem ætla af Efri-Sléttum og niður í Herjólfsvík en þverhníptir klettar eru neðan hjallans. Utan og norðan við Herjólfsvíkurstafn, norðan árinnar, heitir Mosdalur og nær hann að Dalsvarpi og út að Mosfelli. Utan og neðan Mosdals heitir Hlíð neðan í Mosfellinu og niður að á. Utan í Mosfellinu, en ofan við Hlíðina, ganga Hraun út með ánni alla leið til sjávar.

Yst við sjóinn heita Láguhlaup og innan við þau, fast við ána, var Bæjarstæðið, tættur sem munu nú hrapaðar í sjó. (Engar sögur eru þó til um byggð í Herjólfsvík). Þá eru Miðhlaup og Háuhlaup inn að Hlíð og út að Steinahjalla.

Sólarmýri er ofan við Háuhlaup inn að Sólarhjalla og er Sólarfjall þar fyrir ofan.

Fjaran norðan árinnar heitir Norður-Sandur að Selaþúfu. Þá eru Gríðarvogar en þar liggur selurinn oft á smá nöggum. Nyrst í Gríðarvogum heitir Þórðarhellir. Því næst er Gríðarnes og nær það að Litluvíkurskriðum.

Upp yfir Selaþúfu, Gríðarvogum og Gríðarnesi heitir Steinahjalli og nær hann inn að Háuhlaupum. Jaðrarnir upp af Steinahjalla heita Hvolfsjaðrar og ná þeir upp í Sólarfjall og Litluskriður. Nyrsta horn Steinahjalla, upp af Gríðarnesi, heitir Gjáarhnaus og liggja þar götur yfir Litluvíkurskriður.

Út af miðri Herjólfsvík er Herjólfsvíkursker um 300 faðma frá landi.