Veturinn 2016 - 2017

3. maí 2017

Fundur í umhverfisnefnd.

1. Umhverfisdagar: Rætt um hvaða skemmtilegt væri hægt að gera á umhverfisdögum í vor. Við höfum sótt um í Yrkjusjóð og fengum úthlutað 67 plöntum sem við ætlum að gróðursetja í uppeldisreitinn upp í kartöflugarði. Einnig ætlum við að setja niður útsæðið sem við settum upp í byrjun apríl. Stefnt er að því að fara í síðustu gönguferðina út í Vog og nýta þá okkur það sem Hafþór Snjólfur fræddi okkur um í valinu í sambandi við fjallamennsku. Einnig er áhugi fyrir því að endurtaka leikinn frá því í fyrra og velja okkur fjöru til að hreinsa. Nokkrar hugmyndir komu fram en ákveðið að taka fjöruna frá Merki og inn að Bakká. Hún er tiltölulega þægileg fyrir leikskólabörnin, svo þau geti tekið þátt í þessu með okkur. 

2. Grænfánaumsókn. Nú stendur fyrir dyrum að sækja um grænfánann í fjórða sinn. Nemendur völdu ný þemu og fyrir valinu urðu: neysla, loftslagsbreytingar og hnattrænt jafnrétti. Við ætlum að vinna áfram með átthagana og náttúruvernd ásamt líðheilsu en erum komin á þann stað í þessum verkefnum að við þurfum ekki að hafa þau sem sérstök þemu heldur eru þau orðin hluti af skólastarfinu. Jónu og Maríu skólastjóra falið að sækja um. 

19. apríl. 2017

Fundur í umhverfisnefnd. 

1. Jón sveitarstjóri tók vel í beiðni okkar um að kaupa moltutromluna og vonumst við til að geta tekið hana í notknun haustið 2017. Hún mun trúlega geta annað meiru en bara úrgangi frá skólanum svo við getum þá boðið einhverjum heimilum að taka þátt í þessu með okkur. 

2. Komin er niðurstaða í málefni Nínu og Símons. María skólastjóri ætlar að ættleiða þær og búa um þær í garðinum sínum. Fögnum við þeirri niðurstöðu. Kanínukofinn verður nú eingöngu notaður sem leiktæki fyrir leikskólabörnin. 

22. mars 2017

Fundur í umhverfisnefnd

1. Farið yfir stöðu mála í umgengni okkar innanhús. Minnt á að slökkva ljós nú þegar er orðið svona bjart. Muna flokkunina í rusladallana.

2. Rætt um kanínubúskapinn. Fundarmenn ekki spenntir fyrir því að halda þessum búskap áfram næsta haust. Þeim finnst þetta meira mál en þau hefðu haldið í fyrstu og erfitt að standa í þessu þegar allir eru í fríi og þess háttar. Jákvæðu hliðar málsins eru þær að kanínurnar borða matarafganga og svo er stundum gaman að leika sér að þeim.  Rætt um hvað gera eigi við Nínu og Símon. Ákveðið að skoða þessi mál betur og vísa þessu til kennarafundar.

  

15. febrúar 2017

Fundur í umhverfisnefnd

Fundarefni:

1. Moltutunnan. 

Kennarar tóku vel í hugmynd okkar og útbjuggum við bréf til hreppsnefndar og ætlum að þjóða sveitarstjóranum í heimsókn til okkar og afhenda honum bréfið. 

2. Gönguferðir. Vel gengur með þær. Við höfum nú farið í þrjár ferðir og unnið ljósmyndir og texta um þær. Stefnt að því að fara í tvær í viðbót í vor og þá verður önnur þeirra jafnvel á Reykjavíkursvæðinu.

Fundur í umhverfisnefnd

Fundarefni: 

1. Molta

Ekki hefur gengið sem skyldi að búa til moltu úr matarafgöngum. Við sáum auglýsingu á netinu frá Garðheimum þar sem þeir auglýsa litlar moltugerðartromlur. Ætlum að kynna þetta fyrir kennurum á næsta kennarafundi. 

2. Ný markmið á umhverfissáttmálann. 

Ákveðið að Alexandra og Zlata muni búa til tvo nýja geisla og tvö ný ský á umhverfissáttmálann með nýju markmiðunum okkar sem eru: Draga úr loftmengun og hnattrænt jafnrétti.