Aðalfundur SSA á Borgarfirði

Árlegur aðalfundur Sambands Sveitarfélaga á Austurlandi var haldinn í Fjarðarborg dagana 14. og 15. september og sáu heimamenn undirbúning fundarins, og einnig um mat og skemmtun fyrir gesti. Skipulögðu hreppstarfsmenn óvissuferð fyrir fundargesti þar sem farið var með þá á bátum út í Höfn frá bryggjunni. Þar tók Kalli Sveins á móti þeim með veitingar en síðan var hópurinn fluttur á fjárvögnum aftur inn á Bakkagerði. Sá Ferðaþjónustan Álfheimar um matinn og  hljómsveitin Ungmennafélagið spilaði svo undir dansleik um kvöldið.