Nám til framtíðar

Kynningarblað um nýjar aðalnámskrár og nýr upplýsingavefur Mennta- og menningarmálaráðuneyti hefur gefið út kynningarblað um nýju aðalnámskrárnar og er því dreift um allt land. Blaðinu er ætlað að kynna nemendum, foreldrum og öðrum hagsmunaaðilum nýjar áherslur í menntun leikskólabarna, grunn- og framhaldsskólanemenda. Þá hefur einnig verið opnaður nýr vefur namtilframtidar.is , þar sem veittar eru upplýsingar um námsskrárnar, áherslur í menntamálum og fleira. Ráðuneytið fer þess góðfúslega á leit við skóla að þeir birti upplýsingar um nýja vefinn á heimasíðum sínum og greini jafnframt frá kynningarblaðinu Nám til framtíðar. Með bréfi þessu fylgir kynningarblaðið á PDF-formi og mynd, sem hægt er að birta með slóðinni   www.namtilframtidar.is. Mennta- og menningarmálaráðuneyti 12. apríl 2013 Arnór Guðmundsson, skrifstofustjóri