UMFB á stóran möguleika á titlinum í Launaflsbikarnum 2014

Næstkomandi Laugardag klukkan 14.00 mun UMFB leika einn af mikilvægustu leikjum sem liðið hefur leikið síðan það hóf þáttöku í utandeildinni á Austurlandi.  Liðið ferðast þá til Reyðarfjarðar til að mæta Val Reyðarfirði.  Þetta er síðasti leikurinn í deildinni og með sigri í honum tryggir UMFB sér sigur í utandeildinni þetta árið.  Síðast lyfti UMFB bikarnum árið 2008 eftir mikla dramatík með 3-3 jafntefli á Seyðisfirði en ljóst er að ekkert annað en sigur dugar í lokaleiknum í ár.  UMFB hefur átt mjög gott tímabil og hafa sérstaklega síðustu tveir leikir verið sérstaklega mikilvægir og glæsilegir, heimasigrar gegn helstu keppinautunum í Spyrni og BN, en Ungmennafélagið hefur unnið alla leiki sína á heimavelli.  Reyðfirðingum hefur ekki vegnað jafnvel í ár og sitja á botni deildarinnar með aðeins eitt stig en í ljósi mikilvægis leiksins hyggst UMFB stilla upp gríðarsterku liði og gefa allt í þennan leik.

Það væri afskaplega ánægjulegt ef þeir Borgfirðingar sem hafa áhuga og möguleika mæta í Höllina á Reyðarfirði og standa við bakið á okkar mönnum.

Hér má sjá stöðuna í deildinni eins og hún er fyrir lokaumferðina