Fréttir

Á morgun 28. ágúst  ætlum við nemendur 1. - 10. bekkjar og kennarar í Grunnskólanum að rölta til Breiðuvíkur

Vegagerðin hefur ákveðið að frá og með haustinu verði vetrarþjónustudögum á Vatnsskarði fjölgað úr fjórum í sex. Þetta þýðir að Skarðinu verður haldið opnu alla daga vikunnar fyrir utan laugardaga.

Vegna óvenju slæms veðurútlits um helgina, hefur verið ákveðið að fella niður fyrirhugaða tónleika með Jóni Ólafs og Eyjólfs í Loðmundarfirði á laugardaginn.

Nú fyrr í sumar kom út diskur frá Magna sem inniheldur lög sem eiga það öll sameiginlegt að hafa sterka borgfirska tengingu. Þetta eru ýmist borgfirsk lög, borgfirskir textar eða bara lög sem hafa verið mikið sungin á mannamótum hér í firðinum gegnum árin.

Boðað er til opins fundar í Framfarafélagi Borgarfjarðar klukkan 20:00 þriðjudaginn 27. ágúst í Fjarðarborg. Vinna starfshópa og stjórnar verður kynnt. Auk þess verður rætt um væntanlega komu fjölmiðla til Borgarfjarðar sem ætla að fjalla um starf Framfarafélagsins og uppbygginguna á Borgarfirði.

Nú er bara rétt rúm vika í hina árlegu tónleika í Loðmundarfirði. Fjölmennum og höfum gaman líkt og fyrri ár. Aðgangur valfrjáls

Laugardaginn 17. ágúst stóð Framfarafélag Borgarfjarðar fyrir ungmennaráðstefnu sem haldin var í Fjarðarborg. Ráðstefnan var ætluð ungu fólki á aldrinum 13-20 ára og var ágætlega sótt.

Sveitarfélögin Fljótsdalshérað og Borgarfjarðarhreppur í samstarfi við Arkitektafélag Íslands standa fyrir hugmyndasamkeppni um bætta aðstöðu fyrir ferðafólk í Stórurð og næsta nágrenni Dyrfjalla. Samkeppnin er öllum opin.

Nú á laugardaginn fór um 25 manna hópur á efsta tind Dyrfjalla (1136m) í ferð á vegum Wildboys, Ferðafélags Fljótsdalshéraðs og Ferðamálahóps Borgarfjarðar. Þetta er ganga sem átti að fara í fyrra til þess að heiðra þá félaga Sigmar á Desjarmýri og Jón á Sólbakka. Þá voru 60 ár síðan þeir gengu fyrstir manna á tindinn, en ferðin í fyrra féll niður vegna veðurs.

Framfarafélag Borgarfjarðar boðar til ungmennaráðstefnu fyrir ungt fólk á aldrinum 13 til 20 ára. Ráðstefnan verður haldin í Fjarðarborg laugardaginn 17. ágúst og hefst klukkan 14:00.