Fréttir

Það voru hörku tveir róðrar hjá Kára Borgari og áhöfn á Glettingi NS-100 í síðustu viku, en á rúmum sólarhring komu þau í land með um 20 tonn.

Strákarnir í Fjarðarborg eru stórhuga í sumar og ætla að bjóða upp á frábæra tónleikadagskrá allar helgar í júní og júlí, og auðvitað dagana fyrir Bræðslu eins og undanfarin ár. Landsþekktir listamenn koma í heimsókn og okkur hérna heima gefst tækifæri á að kaupa miða á þetta allt saman og tryggja okkur þannig miða á alla viðburðina, en oft hefur verið uppselt á þessa viðburði og þá sérstaklega í Bræðsluvikunni.

Við félagar hjá Já Sæll erum að opna um helgina og efnum til tónleika með snillingnum honum Bjartmari Guðlaugssyni.

Úrslit sveitarstjórnarkosninga 31. maí 2014

Aðalfundur Sveinunga verður haldinn föstudaginn 6. júní kl. 20.00. 

Ungmennafélagið og Slysavarnarfélagið standa saman að stórglæsilegri dagskrá á sjómannadaginn á Borgarfirði eins og allir bjuggust sennilega við.

Nú síðastliðna helgi var stór stund hjá yngstu meðlimum UMFB en þá var haldið í Fjarðarbyggð til að taka þátt í fótboltamóti, en þetta er í fyrsta skiptið í langan tíma þar sem UMFB heiðrar svona mót með nærveru sinni.

„Opið hús“ um fjarnám og fræðslumál  í Álfacafé, Borgarfirði fimmtudaginn 22. maí. kl. 12-13. Boðið uppá súpu og brauð. Dagskrá: • Kynning á framboði fjarnáms veturinn 2014-2015 • Þjónusta varðandi símenntun, háskólanám og rannsóknir Verkefnastjóri vaxtarsamnings verður einnig á staðnum. Allir velkomnir Austurbrú

    Grunnskólinn á Borgarfirði eystra er heimilislegur samkennsluskóli sem rekinn er í samstarfi við leikskóla og frístund. Í skólanum næsta vetur verða 15 nemendur í 1.-10. bekk og 3 – 5 börn í leikskólanum. Frístund er rekin í leikskóla. Við erum  komin vel á veg með að aðlaga starfið að nýrri aðalnámsskrá og mun samþætting námsgreina og útikennsla fá aukið rými í skólastarfinu. Einkenni skólans sem við hlúum sérstaklega að eru sviðslistir, sjálfbærni og góð tengsl við grenndarsamfélagið, sögu þess og menningu. Við erum Grænfánaskóli og leggjum áherslu á umhverfisvitund og útikennslu ásamt rými fyrir skapandi starf. Á næsta skólári stefnum við að því að vinna sem heilsueflandi grunnskóli. Við gerum okkur grein fyrir að skólinn er lykilþáttur í íbúaþróun á Borgarfirði og þess vegna leitum við eftir skapandi og dugmiklu fólki sem vill hjálpa okkur að snúa vörn í sókn og vinna uppbyggilega að jákvæðu skólasamfélagi.  Okkur vantar kennara til að sinna ýmsum greinum og sérkennslu á elsta- og miðstigi. Meðal kennslugreina sem kæmu til greina eru utan sérkennslu í íslensku og stærðfræði er íslenska, sviðslistir, náttúrufræði, samfélagsgreinar, íþróttir og tungumál í öllum bekkjum,  jafnvel myndlist og heimilifræði, samtals 1,4 -1,5 stöðugildi. Menntun, reynsla og metnaður: ·       Grunnskólakennari með leyfisbréf til kennslu eða kennaranemar í fjarnámi ganga fyrir öðrum umsækjendum ·       Kennslureynsla er kostur, einnig þeir sem hafa reynslu af útikennslu og samþættingu námsgreina ·       Samstarfsvilji með fullorðnum og börnum nauðsynlegur ·       Áhugi á að vinna að uppbyggingu skóla og skólasamfélags ·       Jákvætt hugarfar, ábyrgðarkennd, dugnaður og fagleg vinnubrögð ásamt áhuga á að samþætta námsgreinar er nokkuð sem umsækjendur þurfa að hafa metnað fyrir ·       Aðeins reglusamir einstaklingar koma til greina Umsækjendur skulu sýna fram á hreint sakavottorð eða veita heimild fyrir upplýsingaöflun úr sakaskrá. Ljósrit af leyfisbréfi eða prófgráðum eða staðfesting á námi skal fylgja umsókn.   Umsóknarfrestur er (framlengdur) til 14. júní 2014.   Áhugasamir hafi samband við Svandísi Egilsdóttur skólastjóra í síma 472-9938 eða 7717217 Umsókn ásamt meðmælum sendist til:  Skólastjóri Svandís Egilsdóttir,  Grunnskóla Borgarfjarðar eystra, 720 Borgarfjörður, eða skolastjorigbe@ismennt.is   Við hlökkum til að heyra frá þér.

Flokkunardagur í boði grunnskólans!  Við, nemendurnir í skólanum, ætlum mánudaginn 19. maí nk. að ganga á milli húsa og safna endurvinnanlegu rusli.