Fréttir

Okkur þykir leitt að tilkynna að við höfum ákveðið að fresta tónleikum Valgeirs Guðjónssonar í Loðmundarfirði um óákveðinn tíma

Tökur á kvikmyndinni Hjartastein hófust á Borgarfirði um miðjan mánuðinn og er áætlað að seinasti tökudagur verði í október. Anton Máni Svansson, aðalframleiðandi myndarinnar hjá framleiðslufyrirtækinu Join Motion Pictures, segir tökur ganga glimrandi vel.

Það eru frábærir tónleikar framundan í Loðmundarfirði. Ferðamálahópurinn og Ferðafélagið standa saman að þessum árlegu síðsumarstónleikum og í ár er komið að Valgeiri Guðjónssyni að koma fram á pallinum við skálann í Loðmundarfirði.

Þau hafa verið heppin með veður krakkarnir í Grunnskólanum þessa fyrstu daga skólaársins. Þessa vikuna fara þau daglega á námskeið hjá Ásgrími Inga í sundlauginni á Egilsstöðum. Aðstaða í lauginni er öll til fyrirmyndar og ljúft að taka sundtökin í lauginni. Skólinn fær einnig leyfi til að nýta Félagsmiðstöðina Ný-ung í hléi á milli æfinga, til að nemendur megi matast og hvíla sig. Ekki nóg með að þau séu mætt til leiks í lauginni því á mánudag sóttu nemendur sér bækur á Héraðsbókasafnið en í vetur ætla þau að lesa fjölbreyttar bækur sér til ánægju og yndisauka.  

Kæru nemendur og foreldrar  Skólasetning verður klukkan 15:30 mánudaginn 17. ágúst. Um morgunin þennan dag hefst sundlota skólaársins og fer póstbíllinn með nemendur frá skólanum klukkan 08:00. Líkt og í upphafi síðasta skólaárs ætla foreldrar að koma  með brauðmeti og álegg og súpa verður í boði hússins.  Hlökkum til að sjá ykkur  Bryndís, Hoffa, Jóna, Jóffa og Svandís

Það verða frábærir tónleikar í Fjarðarborg núna föstudaginn 14. ágúst. Þá munu Valdimar Guðmundsson og Örn Eldjárn leiða saman hesta sína á sviðinu og flytja fjölbreytt lagaprógram sem þeir hafa sett saman með lögum frá þeim sem hafa veitt þeim innblástur og haft áhrif á þá gegnum árin.

Strákarnir í Fjarðarborg verða með flotta dagskrá um verslunarmannahelgina sem má sjá hérna að neðan.

Hérna er hægt að sjá heildardagskrá Bræðslunnar fyrir þetta ár á PDF. Fullt af spennandi viðburðum framundan hérna á Borgarfirði, miðpunkti alheimsins.

Þvílík dagskrá sem verður í Fjarðarborg um helgina hjá Já Sæll bræðrum

Það er frábær helgi framundan í Fjarðarborg, en þar er mikið líf allar helgar í sumar eins og flestir vita.