Fréttir

Nú á laugardaginn fór um 25 manna hópur á efsta tind Dyrfjalla (1136m) í ferð á vegum Wildboys, Ferðafélags Fljótsdalshéraðs og Ferðamálahóps Borgarfjarðar. Þetta er ganga sem átti að fara í fyrra til þess að heiðra þá félaga Sigmar á Desjarmýri og Jón á Sólbakka. Þá voru 60 ár síðan þeir gengu fyrstir manna á tindinn, en ferðin í fyrra féll niður vegna veðurs.

Framfarafélag Borgarfjarðar boðar til ungmennaráðstefnu fyrir ungt fólk á aldrinum 13 til 20 ára. Ráðstefnan verður haldin í Fjarðarborg laugardaginn 17. ágúst og hefst klukkan 14:00.

Hreppsnefnd Borgarfjarðarhrepps auglýsir hér með tillögu að deiliskipulagi að Stakkahlíð í Loðmundarfirði, skv. 1.mgr. 41. gr. skipulagslaga nr. 123/2010. 

Afmælisganga í tilefni þess að haustið 2012 voru 60 ár liðin frá því að Borgfirðingarnir Jón Sigurðsson og Sigmar Ingvarsson gengu á hæsta tind Dyrfjalla, 1136 m. Ferðin féll niður í fyrra vegna slæms tíðarfars. Lagt verður af stað laugardaginn 10. ágúst, kl. 8 frá gamla tjaldstæðinu á Egilsstöðum og kl. 9:30 frá Jökulsá.

Hið nýstofnaða Framfarafélag Borgarfjarðar - til móts við nýjan dag, er komið með undirsíðu hér á vefnum sem má sjá hér. Hægt er að gerast stofnaðili að félaginu fram til 15. ágúst með því að senda nafn og kennitölu á framfarafelag.bgf@gmail.com, og er árgjaldið að félaginu 3000.- kr. sem rennur til starfsemi félagsins. 

Eins og venjulega höldum við Álfaborgarsjens um Verslunarmannahelgina og er dagskráin tilbúin fyrir þetta árið ATH! Búið að bæta við pönnukökuboði í garðinum við Lindarbakka á sunnudaginn

Þá er Bræðsla ársins yfirstaðin og ekki hægt að segja annað en að allt hafi gengið eins og í sögu.

Miðvikudagskvöldið 17. júlí var stofnfundur Framfarafélags Borgarfjarðar haldinn í Fjarðarborg.  Fundurinn var vel sóttur og eru stofnfélagar um 45 talsins. Unt verður að gerast stofnfélagi í gegnum tölvupóst fram til 15 ágúst.

Jæja, þá er heildardagskráin tilbúin fyrir Bræðsluna og viðburði í kringum hana. Góða Bræðslu og skemmtum okkur fallega.

Nyjar vörur komnar í Gallerí Réttin, afsláttur af völdum hönnunarvörum. Verið velkomin.