Fréttir

Jónas okkar Sigurðsson er svo sannarlega ekki búinn að gleyma okkur eftir sumarið og er væntanlegur í fjörðinn ásamt gítarleikaranum Ómari Guðjóns. Ómar var einn af gestum Jónasar í sumar og þóttu þeir tónleikar með þeim allra bestu í tónleikaröðinni.

Fitness Bikarmóti IFBB fór fram um helgina í troðfullu Háskólabíói og þar áttum við Borgfirðingar glæsilegan þátttakanda sem var hún Hallveig Karlsdóttir, (Sveinssonar) og náði hún stórglæsilegum árangri á mótinu en hún hafnaði í 6. sæti í fitness kvenna á hennar öðru móti.

Helga Björg fór á rúntinn í vikunni og tók nokkrar myndir af þessu stórundarlega fólki sem hér má finna á Borgarfirði.

Á fimmtudaginn veður haldin félagsvist á vegum skólans í Fjarðarborg. Byrjað verður að spila kl. 18:00. Léttar veitingar í boði. Aðgangseyrir kr. 500.-  Sjáumst hress :)

Borgfirðingar vinir og vandamenn! Þá er nú komið að hinum árlega kaffidegi Borgfirðingafélagsins en hann verður 18. nóvember í Gullsmára 13 eins og venjulega.

Frábært framtak hjá Álfacafé og Gistiheimilinu Blábjörgum, en saman efna þau til menningarhelgi á Borgarfirði þar sem áherslan er á álfa, afslöppun og afbragðsmat. Við vonum að sem allra flestir komi til með að kíkja í fjörðinn um þessi helgi og njóta þess sem Álfacafé og Blábjörg bjóða upp á, og að sjálfsögðu að upplifa Borgarfjörð í vetrarbúningi. 

Þessi síða okkar er að slá aðsóknarmet þetta árið, en nú þegar þetta er skrifað hafa 111.170 manns heimsótt síðuna frá áramótum.

Við fengum sendar þessar myndir í dag frá sveitarfélaginu, en þær tók allrahandamaðurinn Björn Skúlason á ferðinni um daginn.

Eins og margir sáu þá voru settar hér fram hugleiðingar um daginn um lélega þjónustu Símans á Borgarfirði. Við sendum þessar hugleiðingar á þjónustufulltrúa Símans fyrir rúmum mánuði og buðum fyrirtækinu það að senda okkur þeirra svör við þessu til þess að birta á vefnum.

Við Borgfirðingar höfum alltaf borið óttablandna virðingu fyrir sjónum, enda þekkjum við vel þá gríðarlegu krafta sem sjórinn getur leyst úr læðingi. Miðað við umræður á samfélagsmiðlum undanfarinn sólarhring, virðast þessar veðurfræðilegu aðstæður á Borgarfirði vekja gríðarlega mikla heimþrá brottfluttra, ekki síður en myndir af miðnætursól og sumarkyrrð.