Fréttir

Árshátíð Grunnskóla Borgarfjarðar eystra Árshátíð skólans verður haldin í Fjarðarborg laugardaginn 21. mars kl. 14.00.

Þá er Bræðslan búin að tilkynna þá listamenn sem koma fram í ár og er dagskráin glæsilega að vanda. Miðasalan hefst innan skamms og því að vissara að vera tilbúin því miðarnir munu eflaust rjúka út líkt og undanfarin ár.

Núna laugardaginn 14. mars kl 16:00 sýnir Leikfélag Menntaskólans á Egilsstöðum leikritið Klaufar og Kóngsdætur í Fjarðarborg.

Þessa dagana erum við á leikskólanum að vinna með litina og vatnið.

Inn á facebooksíðu Ferðafélags Fljótsdalshéraðs er búið að setja inn myndir frá byggingarsögu allra skálanna á Víknaslóðum. Það er Þórhallur Þorsteinsson fósturfaðir skálanna sem tók flestar myndirnar og sýna þær á skemmtilegan hátt það mikla starf sem Héraðsmenn og Borgfirðingar hafa í sameiningu unnið á svæðinu.

Borgarfjarðarvefnum barst skemmtilegt bréf frá Guðlaugi Ingasyni sem var áður fyrr verksmiðjustjóri í Sildarverksmiðju Borgarfjarðar. Þar segir hann söguna á bakvið ketilinn sem nú stendur við hlið Bræðslunnar. Einnig sendi hann okkur gamlar myndir sem gaman er að skoða frá þessum árum.

Við duttum aldeilis í lukkupottinn í skólanum í dag en Þórey Eiríksdóttir fyrrum kennari við skólann og börnin hennar þau Atli og Arna gáfu okkur þythokkíborð. Nemendur voru að vonum ánægðir með þessa viðbót við framboð af leiktækjum og hlakka til spennandi ánægjustunda. Hver veit nema að þythokkímót verði sett upp í næstu bekkjarsamveru.    Á myndinni sem því miður er aðeins hreyfð, má sjá nemendur í skólanum í dag og eru þeir með skegg í tilefni af mottumars.   Kærar þakkir Þórey, Atli og Arna 

Nemendur í eldri deild skólans eru um þessar mundir að undirbúa sig fyrir Þjóðleik. Þau hafa ákveðið að sýna verk sem heitir Hlauptu – týnstu eftir Berg Ebba og hafa undanfarnar vikur verið að aðlaga verkið að stærð hópsins og útfæra sviðsmynd og búninga. Leikritið verður sýnt á árshátíð skólans 21.mars og svo verður Þjóðleikshátíðin haldin í Sláturhúsinu á Egilsstöðum í apríl.  

Það er gleðidagur í ferðaþjónustunni í dag á Borgarfirði en 8.5 miljónir fengust úthlutaðar úr Framkvæmdasjóði ferðamannastaða í 3 mismunandi verkefni á Borgarfjarðarsvæðinu.

Næstkomandi fimmtudag, 26. febrúar kl 20:00 verður opið kynningarkvöld hjá Ferðafélagi Íslands í Mörkinni 6 þar sem m.a. verður myndasýning frá Víknaslóðum og Borgarfirði eystri.